طريقة عمل المطازيز بالصور

طريقة عمل المطازيز المحشي رووعه تدوخين اذا شفتيه وش حال تذوقينه
كيف حالكم ندخل بالموضوع على طول شكلكم مستعجلين تبون طبق خخخ
اليوم سويت لكم مطازيز محشيه تعلمتها من وحده الله يسعدها واعتمدتها صراحه تهبل تكلون اصابعكم من وراها يالله نبدء بسم الله ببدء على طول بالطريقه ومنها بتعرفون المقادير

اول حاجه نسوي العجينه وهي زي عجينت المطازيز العاديه كوبين طحين وثلاث ارباع فنجان شاي زيت وذرة ملح وماء للعجن ونعجنها لحد ماتصير متماسكه ماتلزق باليد



وبعدين نقطعها كور صقيره جدا زي كذا



ونخليها على جمب شوي ونسوي الحشوه
الحشوه بصل ولحم مفروم وكزبره
اودجاج وبصل والي ماتبي الكزبره مولازم انا اليوم ماحطيت كزبره
نحط البصل في المغلاة ولما يصفر لونه



نحط اللحمه المفرومه


ونحط ملح وبهارات والليمون الاسود والثوم موالحين بعدين ونخليه لحد مايصير لونه بني نشيله من على النار ونخذ منه تقريبا ملعقه اوملعقتين ونحطه بالقدر ونحط معاه علبة صلصا وطماطم مقطعه صغار كذا



ونحط عليه الثوم المطحون ونحمسه شوي بعدين نضيف المويه الي تناسب الكميه الي بتسوينها
وليمون اسود كامل حبتين زي كذا



ونخليه على نار هادئه ونروح للعجين نخذ الكور ونفرد وحده وحده زي كذا



ونحط عليها شوي لحمه من الحشو



ونسويه بهالطريقه



ونحطها على المرقه الي سويناه ونضيف الخضار
كوسه وبديجان وقرع تقدرين تحطين نوع واحد منهم


وهذا يوم ضفنا الخضار


وهذا الشكل النهائي يم يم





اتمنى ينال اعجابكم